യുണൈറ്റഡ് ഇന്ത്യ ഇൻഷുറൻസിൽ ( United India Insurance) 200 അഡ്മിനിസ്ട്രേറ്റീവ് ഓഫിസർ ( Administrative Officer) ഒഴിവ്. ജനറലിസ്റ്റ് (100), സ്പെഷലിസ്റ്റ് (100) വിഭാഗങ്ങളിലായാണ് നിയമനം. 2024 നവംബർ 5 വരെ അപേക്ഷിക്കാം.
യോഗ്യത: 60% മാർക്കോടെ (പട്ടികവിഭാഗത്തിന് 55%) ബിരുദമോ പിജിയോ ആണ് ജനറലിസ്റ്റ് തസ്‌തികയിലെ യോഗ്യത. സ്പെഷലിസ്റ്റ് വിഭാഗങ്ങളിലെ യോഗ്യതാ വിവരങ്ങൾക്കു വിജ്‌ഞാപനം കാണുക. ഫിനാൻസ് & ഇൻവെസ്റ്റ്മെന്റ്റ് (20 ഒഴിവ്), ഓട്ടമൊബീൽ എൻജിനീയർ (20), ഡേറ്റ അനലിറ്റിക്‌സ് (20), ലീഗൽ (20), റിസ്ക‌് മാനേജ്‌മെന്റ് (10), കെമിക്കൽ എൻജിനീയർ/മെക്കട്രോണിക്സ് എൻജിനീയർ (10) വിഭാഗ ങ്ങളിലാണ് അവസരം.
പ്രായം: (30.09.2024 ന്): 21- 30 വയസ്സ് പട്ടികവിഭാഗത്തിന് അഞ്ചും ഒബിസിക്കു മൂന്നും ഭിന്നശേഷിക്കാർക്കു പത്തും വർഷം ഇളവ്. വിമുക്തഭടന്മാർക്കും യുഐ ഐസി ജീവനക്കാർക്കും ഇളവുണ്ട്. യോഗ്യത, പ്രായം എന്നിവ 30.09.2024 അടിസ്ഥാനമാക്കി കണക്കാക്കും.
തിരഞ്ഞെടുപ്പ്: 2024 ഡിസംബർ 14ന് ഓൺലൈൻ പരീക്ഷ. കാസർകോട്, കണ്ണൂർ, കോഴിക്കോട്, മലപ്പുറം, പാലക്കാട്, തൃശൂർ, എറ ണാകുളം, കോട്ടയം, ആലപ്പുഴ, പത്തനംതിട്ട, കൊല്ലം, തിരുവനന്തപുരം എന്നിവിടങ്ങളിൽ കേന്ദ്രമുണ്ട്. www.uiic.co.in എന്ന വെബ്സൈറ്റ് വഴി അപേക്ഷിക്കണം.
